رتوش... قصيدة للشاعرة عزيزة الشراكي.. عام 1998

 

رتوش .. لوشوش

 بدوس فوق روس الكل

وبتقتل جوا قلوبنا الحلم

بتعشق

لون الدم السايل منا  علي الاسفلت

بتتقن فينا فن النحت

بتحرك فينا بقيد وبذل

علي مسرح مليان بعرايس

لها نفس الشكل

لها ناب للأكل

 

أجسام م الظلم بتتشكل

وعيون بالظلم بتتكحل

وادين

 بتخلص ع الملاين  من الأطفال

نهايات للحوار علي ايد فجار

صرخات .. وحاجات من جوا السجن

"وجميلة'

            تحن

للحلم الوردي لطعم اللحن

لقلوب بتخضر فجر جديد

و"بسها"مولودها في ليلة عيد

لهو مروة بروح ثوار

وعيون بتنادي علي 'المختار' 

لميلاد أحرار

 

وبتحلم

 والحلم جميل مليان احساس

بعيون اطفال مليانه حماس

بتقول بتحدي لكل الخلق

انا أصل الفرق

انا صاحبة حق

انا يحي وموسى وطه وعيسى وكل الخلق

انا أصل الكون

وبقلب حنون

راح أضم الدنيا بحاله في حضن

وهعيد وبفن 

رتوش اللوحة الهمجيه

راح اغير كل ملامح الغش

وهعيد من تاني للون الوش

في جذور اللوحة الفردية

همسات م الدنيا الوردية

بقلم الشاعرة/ عزيزة الشراكي

=====.

# جريدة صدى المجتمع- رتوش... قصيدة للشاعرة عزيزة الشراكي.. عام 1998: https://fb.watch/5E_M-NmilH/

 

# لينكدان- رتوش... قصيدة للشاعرة عزيزة الشراكي.. عام 1998: https://www.linkedin.com/posts/mahmoud-el-haysha-05138896_%D8%B1%D8%AA%D9%88%D8%B4-%D9%82%D8%B5%D9%8A%D8%AF%D8%A9-%D9%84%D9%84%D8%B4%D8%A7%D8%B9%D8%B1%D8%A9-%D8%B9%D8%B2%D9%8A%D8%B2%D8%A9-%D8%A7%D9%84%D8%B4%D8%B1%D8%A7%D9%83%D9%8A-%D8%B9%D8%A7%D9%85-activity-6801925505680470016-z8cw

 

# اليوتيوب- رتوش... قصيدة للشاعرة عزيزة الشراكي.. عام 1998: https://youtu.be/xu4j0pd2OaQ