بالعلم تحيا الأمم

  الدنيا بتبدّل الحراس || أغنية بقلم: محمود سلامه الهايشه ؛ كاتب وباحث مصري ؛ elhaisha@gmail.com "مقدمة/موال" يا ليل المدينة يا شاهد عَ اللي كان يا باب متشقق من صرخة الغلبان كام واحد لبس تاج... واتحسب سلطان وفي آخر السكة نام تحت التراب ندمان   المقطع الأول كان بوعزة في زقاق ضلمة بيبيع الوهم لولاد الحارة حبة بحبة جمع ثروته وبنى فوق الدم عمارة ركب عربية وسكن في فيلا وبقى الحاج في عيون الناس وإيده اللي كانت بتوزع موت بقت بتتصور وسط الأجراس قالوا كريم... قالوا وجيه قالوا راجل صاحب إحسان وهو الحقيقة كان بيخبي تحت البدلة ألف شيطان   اللازمة (القرار ( الدنيا بتبدّل الحراس والكرسي ما يعرفش ناس اللي يطلع فوق الأكتاف ينزل وحده في المتراس لا برق يدوم ولا بوعزة ولا مال يشتري الإحساس الدنيا طاحونة بتلف وتطحن في لحم الحراس   المقطع الثاني طلع البرق من نفس الزقاق بس راكب موجة تانية لا بيصافح ولا يستأذن ولا يعترف بالحكاية قال للحاج: زمانك خلص والسوق اتغير عنوانه إنت كنت تشتري سكوتهم وأنا بشتري زمانه رصاصتين في آخر ليل والمدينة ولا اهتزت كأن العمر كله ك...