عزيزي المربي.. تعرف على أسباب المؤخرة المتسخة او العجينية في الكتاكيت.....

عزيزي المربي..  تعرف على أسباب المؤخرة المتسخة او العجينية في الكتاكيت..وتجنبها

"تشكر علي المعلومة القيمة انا فقدت بسببها حوالي ٢٠٠ كتكوت عندما اضفت السكر الابيض ف الاستقبال" (تعليق لي Abn Omer Alhan).

الموضوع:

عزيزى المربى

ماينفعش نتجاهل الشكل ده على مؤخرة الكتاكيت لانها ممكن تأثر على معامل التحويل وتجانس الاوزان وتعمل نسبة صردة كبيرة اخر الدورة.

 الحالة دى اسمها المؤخرة المتسخة او العجينية ( pasty vent ) ممكن يكون احد اسبابها التهاب السرة ولكن لها اسباب تانية كتير زى :

1-   ارتفاع او انخفاض درجة حرارة التحضين.

2-   برودة ماء الشرب.   

3-    سوء جودة العلف او الماء .

4-    زيادة الاملاح فى العلف او الماء .

5-    وجود طبقة بيوفيلم او ريمة فى خزانات ومواسير المياة والسقايات .

6-   خلل فى الميكروبات المعوية.

7-   اى سبب يعمل التهاب فى فتحة المجمع.

8-   وممكن اضافة محلول سكرى بكمية كبيرة فى ماء الشرب كمصدر للطاقة فى الاستقبال يعمل كدة بردة.

 لو ظهرت عندك الحالة دى:  راجع حرارة التحضين والرطوبة وجودة الماء والعلف ونظافة السقايات وخزانات الماء ونتعامل مع الميكروبات المعوية الضارة اما بمضاد حيوى او بروبيوتك او بربيوتك على حسب شدة الاصابة ونوع الميكروبات وتقدير الطبيب المعالج.

=====.

# اليوتيوب: https://youtu.be/xb8Af52DmVY