الحسّون لما سكت || أغنية
الحسّون لما سكت || أغنية
أغنية بالعامية المصرية مستوحاة
من قصة "مجنون طائر الحسون" بقلم/ الحسان
عشاق، والمنشورة بموقع ديوان العرب، الخميس ٢٥ حزيران (يونيو) ٢٠٢٦.
بقلم:
محمود سلامه الهايشه ؛ كاتب وباحث مصري ؛ elhaisha@gmail.com
"لازمة"
الحسّون
لما سكت...
سكتت معاه المواويل
والبيت بقى قفص حديد
والروح تايهة في ليل طويل
قالوا:
"العلم فوق الهواية"
قال: "والروح مين يداويها؟"
اللي يكسر جناح طير
بكرة يكسر راعيها
"المقطع الأول"
كان ولد...
شايل قفصه فوق كتفه
ماشي للفجر بدري
والشمس لسه في غفلتها
كان
بيحوش لون السما
في جناحين صغننين
وكان بيزرع في قلبه
ألف حلم للمساكين
قالوا
له:
سيب اللعب...
الدنيا عايزة مهندس
ارسم طريقك بالمسطرة
وابني حياتك بالمقاس
نسيوا
إن القلب ساعات
ما يعرفشي غير الغُنا
وإن الطير...
لو مات صوته
تموت معاه سنين الهنا
"اللازمة"
الحسّون
لما سكت...
سكتت معاه المواويل...
"المقطع
الثاني"
يوم ما
الأب
كسر القفص...
ما كسرش سلك وخشب
كسر باب كان مفتوح
بين الولد وبين العجب
من
يومها
الخمرة نادت
والشارع حضنه وقال
تعالى انسى...
قال أنسى إيه؟
والوجع ساكن في البال
كل كاس
كان بيشربه
كان مرار أكتر من اللي فات
كان بيدوّر على الطير
جوه دخان السجارات
"الكوبليه"
يا بويا...
كنت فاكر إن الشدة
تبني راجل من حديد
بس الحديد لو زاد قسوته
يكسر قلبه بإيديه
يا بويا...
كنت عايزني أبقى صورتك
وانت نسيت...
إن الضل
عمره ما يبقى إنسان
أنا مش
زعلان
على حسّون...
أنا زعلان
على الولد
اللي مات
جوه الإنسان
"اللازمة"
الحسّون
لما سكت...
سكتت معاه المواويل
والبيت بقى قفص حديد
والروح تايهة في ليل طويل
"المقطع
الثالث"
والأم
قامت
وسط النار
زي الشجرة في عز الريح
قالت:
"سيبوا القلب يتنفس...
العلم من غير حب
يبقى جريح"
قالت:
"الهواية مش ذنب
دي زاد الروح
وقت الضيق
اللي يحرم ابنه من فرحه
يزرع في صدره
ألف حريق"
سكت
الأب...
أول مرة
شاف نفسه في عيون الولد
شاف المسطرة
كسرت عمر
كان نفسه يطلع بلد
"الخاتمة"
جاب له
قفص...
بس المرة دي
ما كانش قفص للعذاب
كان باب مفتوح
للسما...
وللصلح...
وللغياب
رجع
الحسّون
يغني تاني
والبيت اتعلم يسمع
والمهندس
خلّى قلبه
قبل عقله...
مرة يخضع
"اللازمة
الختامية"
الحسّون
لما سكت...
عرفنا معنى السكوت
وإن الجمال
لو مات فينا
يبقى اللي عايش...
مش بيفوت
الحسّون
لما غنّى...
رجعت للدار الحياة
لا العلم خصم الجمال...
ولا الجمال ضد النجاة
"سيب للطير جناحه...
وسيبه يحلّق في السما...
أصل اللي يحبس غنوة...
يصحى يلاقي قلبه انكوى."
تعليقات
إرسال تعليق